Алматы қ. ЖИТС алдын алу және оған қарсы күрес орталығы 1990 жылы 4 маусымда құрылды. Орталық АИТВ-жұқпасы қала аумағында таралуының алдын алу үшін профилактикалық, індетке қарсы іс-шаралармен айналысады және АИТВ-мен өмір сүретін адамдарға мемлекеттік тапсырыс шеңберінде білікті медициналық көмек көрсетеді. ЖИТС орталығы Республикадағы ең үздік орталық болып саналады, мұнда жоғары білікті мамандар жұмыс істейді, оның ішінде медицина ғылымдарының кандидаттары, жоғары біліктілік санаты бар медициналық қызметкерлер.

Орталықта АЖБМББИ жұқпалы аурулар кафедрасы және С.Д.Асфендияров атындағы ҚазҰМУ "АИТВ-жұқпасы және инфекциялық бақылау" модулі жинақталған. Профессор-оқытушылар құрамы консультативтік – диагностикалық процестерде белсенді қатысады.

Орталықтың мамандары 100-ден астам ғылыми мақалалар, 11 әдістемелік нұсқаулар жариялаған. Орталық мамандары ата-аналар мен білім беру жүйесінің мамандарына арналған 6 әдістемелік құралдың қосымша авторлары және медициналық қызметкерлер үшін 4 құралдың авторлары болып табылады. Орталық Халықаралық және үкіметтік емес ұйымдармен бірлесіп белсенді жұмыс істеуде.

Орталықта АИТВ мәселесі бойынша педагогтар мен медицина қызметкерлерін дайындайтын тұрақты жұмыс істейтін курстар бар, мұнда сабақ мемлекеттік және орыс тілдерінде жүргізіледі. АИТВ-мен өмір сүретін адамдар үшін мамандандырылған қызметтердің үлкен жинағы көрсетіледі, ол көмектер - гинеколог, дерматовенеролог, стоматолог, психолог, инфекционист, педиатр, диагностикалық зерттеулер.

Орталығы диагностика мен емдеуді бақылау үшін бөлімшелерді заманауи жабдықтармен жыл сайын қайта жарақтандырады және сатып алады.Орталық мамандарының күш-жігерінің арқасында АИТВ-инфекциясының таралуы бір сатыда ұсталынып тұр.Жыл сайын Алматыда Дүниежүзілік ЖИТС-пен күрес күніне және ЖИТС-тан қайтыс болған адамдарды еске алу күніне арналған түрлі акциялар, театрландырылған көріністер, пресс-конференциялар, сұрақ-жауап кештер түрінде және т. б. кампаниялар ұйымдастырылады. Емдеу мекемелерінің базасында 19 "Сенім"пунктілері, 6 достық клиникалары мен 30 психоәлеуметтік кеңес беру кабинеттері ашылды.

Орталық құрамындағы бөлімдер:

1. 1. Мамандандырылған медициналық зертханаға кіретін бөлімшелер: клинико - биохимиялық, иммунологиялық, иммунноферменттік, ПТР талдау;
2. Емдік алдын алу жұмысы бөлімі;
3. Алдын алужұмысыбөлімі;
4. Ұйымдастыру-әдістемелікбөлімі;
5. Эпидемиологиялықбөлімі;
6. АИТВ–жұқпасын компьютерлікбақылаужәне информатикабөлімі.