Дәрігерлерді АИТВ-ны алдын алуға үйрету Төртінші наурызда қала стационарларында, Алматы қаласы ЖИТС алдын алу және оған қарсы күрес орталығының қызметкерлері , қалалық тері-венерологиялық диспансердің дәрігерлеріне АИТВ - инфекциясын алдын алу туралы айтты.

Семинарға қатысушылар медициналық ұйымда АИТВ-инфекциясын алдын алу бойынша жұмысты ұйымдастыру үшін Қазақстан Республикасы Денсаулық сақтау министрлігі мен Алматы ҚДСБ негізгі регламенттеуші құжаттарымен танысты. Аудитория ересектер мен балалардағы АИТВ-инфекциясының клиникалық ерекшеліктеріне, сондай-ақ осы созылмалы инфекцияны емдеудің заманауи тәсілдеріне назар аударды.

АИТВ-инфекциясының диагностикасы қалай жүргізіледі, жедел тестілеу дегеніміз не, ИФА, Иммуноблотт – бұл туралы ЖИТС орталығының мамандары - Н. Малюгина мен А.Казанцева егжей-тегжейлі айтып берді.

Семинардағы тағы бір маңызды тақырып серологиялық терезе кезеңі болды. Бұл кезеңде адам ауырып қалған, бірақ АИТВ-ға қарсы антиденелерге қан анализі теріс. Алайда, бұл кезеңде вирустың қандағы концентрациясы оны басқа адамдарға беру үшін жеткілікті. Көптеген науқастарда антиденелер 3 айға дейін пайда болады. Жалпы, серологиялық терезе кезеңі 1 айдан 3 айға дейін созылады.

Семинарға қатысушылар, АИТВ - мен өмір сүретін адамдарға қатысты АИТВ стигмасы мен кемсітушіліктің әртүрлі аспектілері, психоәлеуметтік кеңес беру, төтенше жағдай кезіндегі әрекеттер және т.б. туралы білім алды. АИТВ-ны алдын алу бүгінгі күні маңызды және өзекті, өйткені әрбір дәрігер бұл туралы білуі керек.