Алматы қаласы Қоғамдық денсаулық сақтау басқармасының басшысы Марат Пашимов азаматтарды қабылдады.
Жеке қабылдау барысында қала тұрғындарының медициналық көмек көрсету және емдеуді ұйымдастыру мәселелері бойынша өтініші қаралды.
Мұндай кездесулер тұрақты түрде өткізіліп, халықтың өтінішін жедел шешуге және медициналық қызмет сапасын арттыруға бағытталған.
Азаматтарды қабылдау әр сәрсенбі сағат 15:00-ден 18:00-ге дейін өтеді.
Қабылдау барысында тұрғындар қаладағы денсаулық сақтау саласына қатысты сұрақ, ұсыныс және мәселелерімен жүгіне алады.
Қосымша ақпарат алу және қабылдауға жазылу үшін call-орталыққа келесі телефондар арқылы хабарласуға болады: +7 700 050 1213; +7 700 050 1312.
АИТВ-ң алдын алу білімнен басталады
Жыл сайын 1 желтоқсанда атап өтетін Дүниежүзілік ЖИТС қарсы күрес күні қарсаңында Алматы қаласы ЖИТС алдын алу және оған қарсы күрес орталығының медицина қызметкерлері жастар арасында ақпараттық-ағартушылық іс-шараларды жүргізуді жалғастыруда.
17 қараша күні ЖИТС орталығының мамандары Алматы технологиялық колледжінің білімгерлері үшін дәріс оқыды. Кездесуге 80 жуық жастар қатысты. Іс-шара барысында олар АИТВ берілу жолдары, инфекцияның алдын алудың және қорғанудың заманауи әдістері туралы білді. Мамандар шынайы ақпаратты таратуға, жалған ақпаратты жоққа шығаруға және өз денсаулығына жауапкершілікпен қарауға ерекше назар бөлді.
АИТВ-ға тұрақты тестілеудің маңыздылығы жеке талқыланды, себебі инфекцияны дер кезінде анықтау адамға мүмкіндігінше ерте емдеуді бастауға және өмір сүру сапасын сақтауға мүмкіндік береді. Бүгінде АИТВ - үкім емес: қазіргі заманғы антиретровирустық терапияның арқасында АИТВ-мен өмір сүретін адамдар толыққанды өмір сүріп, отбасын құрып, болашаққа жоспар жасай алады.
Профилактика хабардар болудан, саналы таңдаудан және бір-біріне мұқият қараудан басталады.
#АИТВпрофилактикасы #стопАИТВkz #АлматыЖИТСорталығы
Алматыда өткен акцияда 75 адам өздерінің АИТВ-мәртебесін білді
Дүниежүзілік ЖИТС-пен күрес күніне орай , 10 қарашада Алматы қаласының Forum сауда орталығында, "Барлығы АИТВ туралы" ақпараттық-профилактикалық акциясы өтті.
Іс-шараны,Алматы қаласы ЖИТС алдын алу және оған қарсы күрес орталығы, қалалық Адам репродукциясы орталығы, "Ана мектебі", "Қазақстанның болашағы үшін жастар қозғалысы", "Teenergizer" қоғамдық қорлары және № 7 Қалалық емхана жанындағы "Ақ-жол" жастар денсаулық орталығы ұйымдастырды. Акцияның басты нәтижелерінің бірі, АИТВ-ға 75 адамды тестілеу болды. Барлық ниет білдірушілерге қызыл иек маңы сұйықтығы бойынша жедел тестілеуден өту және мамандардың кеңесін алу ұсынылды. Нәтижесін 20 минуттан кейін білуге болады.
Әрбір қатысушы үшін бұл өзінің АИТВ-статусын білуге, денсаулығына уақтылы қамқорлық жасауға және инфекцияның алдын алу туралы сенімді ақпарат алуға мүмкіндік болды.
Сауда орталығына келушілер мамандармен кеңесіп, АИТВ жұқтыру жолдары, алдын алудың заманауи әдістері және тұрақты тестілеудің маңыздылығы туралы біле алды. Сонымен қатар, акция қатысушылары тақырыптық викторина сұрақтарына жауап беріп, жүлделер алды.
"Менің ойымша, мұндай акциялар өте қажет. Сіз әрқашан тестілеуге арнайы жүгінуге уақыт таба алмайсыз және мұнда сауда орталығына барған кезде оны өтуге мүмкіндік бар. Бұл ыңғайлы және маңызды", - деп бөлісті студент Әмір.
"Мен бұрын АИТВ туралы көп білмедім. Бүгін мен өзімді қызықтыратын сұрақтарға жауап алдым және денсаулығымды үнемі тексеріп отырудың қаншалықты маңызды екенін түсіндім. Менің ойымша, бұған әркім жауапкершілікпен қарауы керек", - деді сауда орталығына келуші Алла.
Мұндай акциялар АИТВ-ны алдын алуды қолжетімді етуге, денсаулық мәселелеріне назар аударуға және инфекцияны уақтылы анықтау үлкен маңызға ие екенін еске салуға көмектеседі.
Есіңізде болсын: сіздің АИТВ-статусыңызды білу, сіздің денсаулығыңызға жауапкершілікпен қарауды білдіреді. Елімізде АИТВ-ға тестілеуден тегін және құпия түрде өтуге болады.
#алдыналуАИТВ #орталықЖИТСАлматы #тестАИТВ
Алматы қаласында « Барлығы АИТВ туралы» атты ақпараттық-профилактикалық акция өтеді
2026 жылғы 10 қарашада (сейсенбі) сағат 17:00-де Алматы қаласындағы Forum сауда орталығында Дүниежүзілік ЖИТС-пен күрес күніне орай «АИТВ-ның алдын алу және тестілеудің маңыздылығы» тақырыбында «АИТВ туралы барлығы» ұранымен ауқымды ақпараттық-профилактикалық акция өтеді.
Іс-шара «Ана мектебі» қоғамдық қорымен, ЖИТС орталығымен, Қалалық адам ұрпағын өрбіту орталығымен (ҚАҰӨО) және №7 қалалық емхана жанындағы «Ақ-жол» жастар денсаулық орталығымен бірлесіп ұйымдастырылады.
Акцияның мақсаты – халықтың АИТВ-инфекциясының алдын алу және уақтылы тестілеуден өтудің маңыздылығы туралы хабардарлығын арттыру, өз денсаулығына жауапкершілікпен қарау мәдениетін қалыптастыру, сондай-ақ АИТВ-мен өмір сүретін адамдарға қатысты стигма мен кемсітушілікті жоюға ықпал ету.
Іс-шара қала тұрғындары мен қонақтарының денсаулықты сақтау мәселелеріне назарын аударуға, АИТВ туралы сенімді ақпарат таратуға, қолжетімді профилактикалық және консультациялық көмек туралы хабардарлығын арттыруға бағытталған.
Алматы қаласының тұрғындары мен қонақтарын, сондай-ақ бұқаралық ақпарат құралдарының өкілдерін акцияға қатысуға шақырамыз!
Өткізілетін күні: 2026 жылғы 10 қараша, сейсенбі.
Уақыты: 17:00.
Өткізілетін орны: Алматы қаласы, Forum сауда орталығы.
Бұл күндері Алматы қ.ЖИТС алдын алу және оған қарсы күрес орталығының мамандары 2026 жылдың 9 айындағы жұмысты қорытындылайды және серіктестермен бірлесіп одан әрі қызметтің басым бағыттарын айқындайды.
Осы жұмыс аясында аутрич қызметкерлерімен және халықтың негізгі топтарымен жұмыс істейтін үкіметтік емес ұйымдардың өкілдерімен кеңестер өтті. Сенім пункттерінің медбикелерімен жеке кездесу өтті, ол ҚДЖИАҒО мамандарының мониторингтік сапарының қорытындыларына арналған.
Тағы бір кездесу ЕЖЕ -мен жұмыс істейтін аутрич мамандарымен ұйымдастырылды. Қатысушылар профилактикалық іс-шаралармен қамту және АИТВ-ға тестілеудің қолжетімділігін арттыру мәселелерін талқылады.
Кездесулер барысында атқарылған жұмыстарды талдауға, ұйымдастырушылық мәселелерді анықтауға және профилактикалық іс-шаралардың тиімділігін арттыруға мүмкіндік беретін шешімдерді іздеуге ерекше назар аударылды. Талқылаудың маңызды бөлігі орталық мамандары, медицина қызметкерлері мен ҮЕҰ өкілдері арасында практикалық тәжірибе алмасу болды.
Қатысушылар сондай-ақ, халықтың негізгі топтарындағы адамдармен өзара іс-қимыл, АИТВ-инфекциясы туралы хабардарлықты арттыру және әрбір адам қажетті консультация ала алатын, тестілеуден өтіп, қажет болған жағдайда медициналық көмекке жүгіне алатын сенімгерлік ортаны қалыптастыру мәселелерін қарады. Медицина мамандарының, ҮЕҰ мен аутрич қызметкерлерінің бірлескен қызметі, АИТВ-инфекциясының тиімді алдын алудың маңызды шарты болып қала береді.
#алдыналуАИТВ #орталықЖИТСАлмата
29 қазан күні Алматы қаласы ЖИТС алдын алу және оған қарсы күрес орталығында жүктілігі кезінде АИТВ-инфекциясы анықталған әйелдердің тәжірибесіне арналған сапалы ғылыми зерттеудің нәтижелерін ұсынды.
Зерттеудің авторлары: Элизабет Дж. Кинг, PhD, MPH, Мичиган университетінің денсаулық сақтау саласындағы мінез-құлық және теңдік кафедрасының доценті мен Ж.С.Нугманова медицина ғылымдарының докторы, профессор, С.Д.Асфендияров атындағы ҚазҰМУ «АИТВ-инфекциясы және инфекциялық бақылау» курсының жетекшісі.
Зерттеу әйелдердің медициналық көмекке қол жеткізуіне, олардың психологиялық жай-күйіне, репродуктивтік шешімдеріне және ұзақ мерзімді емделуге бейімділігіне әсер ететін факторларды зерделеуге бағытталған. Жүктілік кезеңіне және босанғаннан кейінгі уақытқа - уақытылы медициналық қолдау және мамандардың мұқият қарым-қатынасы ерекше маңызға ие болатын кезеңдерге ерекше көңіл бөлінеді.
Зерттеу 2024 жылдың қазан айынан бастап желтоқсан айына дейін жүргізілді. Оған Алматы қаласынан 15 әйел қатысты. Интервью арқылы зерттеушілер қатысушылардың жеке тәжірибесін, олардың медициналық ұйымдармен өзара қатынастарын, диагноздарына деген көзқарастарын және әлеуметтік қолдаудың рөлін зерделеді.
Осындай зерттеулердің нәтижелері АИТВ-мен өмір сүретін әйелдердің қажеттіліктерін тереңірек түсінуге, медициналық және психологиялық қолдауды жетілдіру бағыттарын айқындауға көмектеседі. Басты назарда -емделу ғана емес, сонымен қатар өмір сүру сапасы, әйелдің жеке таңдауын құрметтеу, құпиялылықты сақтау және әрбір пациент өз уақытында стигмасыз және қорқынышсыз қажетті көмекті ала алатын жағдайлар жасау.
#АИТВжәнеанаболу #АлматыЖИТСорталығы
28 қазан күні Алматы технологиялар және флористика колледжінің білімгерлері Алматы қаласы ЖИТС алдын алу және оған қарсы күрес орталығы ұйымдастырған АИТВ-инфекциясының профилактикасы бойынша танымдық кездесуге қатысты.
Қатысушылар АИТВ-ң берілу жолдары, профилактиканың тиімді шаралары мен тестілеуден уақытылы өту маңыздылығы туралы білді. Кеңінен тараған жалған ақпараттарға ерекше назар аударылды, олар негізсіз қорқыныш пен үрейлердің себебі болып табылады.
Кездесу ашық диалог форматында өтті: білімгерлер білімдерін кеңейтіп, өздерін қызықтырып жүрген сұрақтарды қойып, мамандардан жауап алды.
АИТВ-ның қалай берілетінін және өзін қалай қорғайтынын түсіну жауапты шешімдер қабылдауға, өз денсаулығына қамқорлық жасауға және АИТВ-мен ауыратын адамдарға стигма мен кемсітушіліксіз қарауға көмектеседі.
Алматы ЖИТС орталығы жастар арасында ақпараттық-ағарту жұмысын жалғастырып, денсаулыққа деген жауапкершілікті қалыптастыруға және АИТВ- инфекциясы туралы шынайы білімді таратуға көмектеседі.
#АлматыЖИТСорталығы #АИТВпрофилактикасы
21 октября в Колледже индустрии туризма и гостеприимства состоялась интерактивная лекция по профилактике ВИЧ-инфекции, объединившая более 50 участников. Актуальную тему аудитории представили врачи Центра по профилактике и борьбе со СПИД г. Алматы.
Встреча была направлена на повышение осведомлённости молодёжи о ВИЧ-инфекции, путях её передачи и современных мерах профилактики. Специалисты доступно объяснили, почему важно располагать достоверной информацией о вирусе и уметь применять эти знания в повседневной жизни.
Особое внимание уделили основным путям передачи ВИЧ и ситуациям, в которых риск передачи отсутствует. Медики развеяли распространённые мифы, подчеркнув, что ВИЧ не передаётся при обычном бытовом общении и рукопожатиях.
Интерактивный формат позволил участникам не только получить полезную информацию, но и задать интересующие вопросы специалистам. Такой открытый диалог помогает молодым людям лучше понимать тему, преодолевать предубеждения и формировать ответственное отношение к собственному здоровью.
Врачи также рассказали о значении своевременного тестирования на ВИЧ. Знание своего ВИЧ-статуса позволяет при необходимости вовремя обратиться за медицинской помощью и начать лечение. Сегодня при соблюдении рекомендаций специалистов антиретровирусная терапия позволяет людям с ВИЧ жить полноценной жизнью.
Құрметті Алматы қаласының тұрғындары!
Сіздерді келе жатқан мейраммен - Қазақстан Республикасы күнімен құттықтаймыз!
24-26 қазан демалыс күндеріне байланысты біздің Орталығымыздың мамандандырылған медициналық зертханасында 25 қазан күні сағат 09.00-ден 16.00-ге дейін кезекші бригада жұмыс жасайтыны туралы хабарлаймыз.
Құрметпен, Алматы қаласы ЖИТС орталығы