Алматы қ.ЖИТС орталығының қызметкерлері 16 қаңтарда Қалалық Тері-Венерологиялық Диспансердің (КВД) және достық кабинеттерінің (ДК) әріптестерімен 2024 жылғы бірлескен жұмыстың қорытындысын шығару бойынша кеңес өткізді. Кеңес жұмысына аутрич қызметкерлері қатысты.

Қатысушылар бүгінде қалада халықтың негізгі топтары арасында АИТВ алдын алуды арттыру үшін 10 сенім пункті жұмыс істейтінін атап өтті. "Зиянды азайту" бағдарламасы бойынша емханада ҚТВД-де және Алматы қаласының ЖИТС орталығында Достық кабинеттер жұмыс істейді. Оларда негізгі топтардағы пациенттерге АИТВ-инфекциясы, ЖЖЖИ, АИТВ жұқтыру қаупін төмендететін мінез-құлық нысандары, тестілеу туралы ақпарат тегін негізде беріледі. Өтініш білдірушілер презервативтермен, ақпараттық материалдармен қамтамасыз етіледі, АИТВ-ға жедел тест жасай алады. Қажет болған жағдайда адамдар тері-венерологиялық диспансерге жіберіледі.

2024 жылдың оң тенденцияларының қатарына секс-жұмыскерлер мен еркектермен жыныстық қатынасқа түсетін ерлер (ЕЖЕ) арасында АИТВ-ға тестілеудің жоғарылауы, сондай-ақ негізгі топтарда ЕЖЕ және инъекциялық есірткі қолданатын адамдарда емделген ЖЖЖИ санының өсуі жатады.

ЖИТС орталығында және 9 ҚЕ орналасқан Достық кабинеттерінің жұмысы тағы бір оң мысал. Мұнда презервативтердің таралуы, негізгі топтарға келген және тексерілген өкілдердің саны артты. Барлық ХНТ-дағы адамдар байланысқа дейінгі профилактикаға қызығушылық танытады. Елде БДП қабылдағысы келетіндер үшін тіркеу жеңілдетілген: тек АИТВ-ға теріс тест нәтижесі және АИТВ белгілерінің скринингі қажет.

Кеңеске қатысушылар ағымдағы жылға арналған бірлескен басым міндеттерді анықтады. Олардың ішінде: барлық ХНТ өкілдерін АИТВ – ға жедел тестілеумен қамту, байланысқа дейінгі профилактика бойынша жұмысты жандандыруды жалғастыру.