Алматы қалалық ЖИТС-тің алдын алу және оған қарсы күрес орталығының қызметкерлері онлайн режимде 2024 жылға арналған жұмысты қорытындылап, 2025 жылға арналған міндеттерді белгіледі. Есепті талқылауға Алматы қалалық денсаулық сақтау басқармасының, аудандық медициналық ұйымдардың қызметкерлері, бақылау кеңесінің мүшелері қатысты.

Орталық директоры М.С.Төкеев баяндама жасады. Ол өткен жылы кешенді шаралар арқылы 15-49 жас аралығында АИТВ-инфекциясының таралу деңгейін 0,50 деңгейінде ұстап тұру бойынша мақсатты индикаторға қол жеткізілгенін атап өтті. Қала аудандары бойынша АИТВ-инфекциясының таралуы біркелкі емес. Ең жоғарығы көрсеткіш Бостандық және Түрксіб аудандарында байқалады.

Алматы қалалық денсаулық сақтау басқармасы мен ҚДИАҒО арасында өткен жылы қол қойылған меморандумды жүзеге асыру аясында барлық көрсеткіштерге қол жеткізілді. АИТВ-ның вертикальды таралуының алдын алумен қамту 97% құрады. АИТВ-мен өмір сүретін адамдарды АРТ-мен қамтуды қамтамасыз ету – 90 пайыз. АИТВ-мен өмір сүретін адамдар, басылған жүктемемен - 91 пайыз

Орталық жұмысында профилактикалық жұмыстарға көп көңіл бөлінеді. Есепті кезеңде:

• - АМСК қызметкерлері мен мамандандырылған медициналық көмек көрсету мекемелерінің қызметкерлеріне 141 семинар;
• - ұйымдастыру-әдістемелік көмек көрсету мақсатында медициналық ұйымдарға 259 рет шығу;
• - мектеп мұғалімдеріне арналған 163 семинар;
• - мектеп оқушылары, колледж және ЖОО студенттері үшін 237 дәріс;
• - Қорғаныс министрлігі мен Ішкі істер министрлігі жүйесінде курсанттар мен қызметкерлерге арналған 51 дәріс.

Өткен жылдың жетістіктері мен инновациялары:

• - ҮЕҰ-ға 5 жобаға мемлекеттік әлеуметтік тапсырыстар бөлінді, жалпы сомасы 87,8 млн.теңге;
• - АРТ қамту көрсеткішіне қол жеткізілді – 90% (2023 ж. – 87%) (жоспар – 77%). Терапияның тиімділігі 91% (РК-84%);
• - АИТВ жұқтырған жүкті әйелдерді және олардан туған балаларды профилактикалық емдеумен жоғары қамту қамтамасыз етілді, бұл 97% құрады;
• - динамикалық бақылаудың мультидисциплинарлық тәсілі енгізілді (мобильді топтар);
• - Жаһандық қор жобасы аясында АИТВ жұқтырған шетел азаматтарын емдеу жалғасуда;
• - 7 күн ішінде диагноз расталғаннан кейін АРТ бастау қамтамасыз етіледі – 80% (Қазақстан Республикасында – 51%);
• - контактіге дейінгі профилактикалық қызметтерді табысты көрсету жалғасты, Алматыда – халықтың негізгі топтары (ХНТ) 533 адам осы қызмет түрін алды;
• - ЖИТС орталығының сайты арқылы ауыз қуысы бойынша экспресс-тесттерге тапсырыс беру арқылы АИТВ-ға өзін-өзі тексеру енгізілді.

2025 жылға арналған тапсырмалар:

• - 2025 жылға арналған нысаналы индикаторларға қол жеткізу;
• - жұқтыру қаупі жоғары адамдар арасында «Зиянды азайту» бағдарламасы бойынша іс-шаралар өткізу;
• - жаңа клиникалық емдеу хаттамаларына сәйкес АИТВ-мен ауыратындар арасында АРТ-ның қамтылуын және тиімділігін қамтамасыз ету;
• -қалада АИТВ мәселелері бойынша жұмыс істейтін ҮЕҰ жұмысын жалғастыру.