3 мамырда Алматы қаласы ЖИТС орталығының дәрігерлері қаланың оқу және еңбек ұжымдарында дәріс оқыды.

Қатысушылар - Алматы педагогикалық колледжінің студенттері мен мамандандырылған күзет қызметі басқармасының қызметкерлері АИТВ-ның алдын алу шараларымен және берілу жолдарымен танысты.

Дәрігерлер АИТВ-ның берілмейтін жолдарын еске салды :

? тер, сілекей, көз жасы, жөтел;
? қол алысу, құшақтау, сүйісу;
? жәндіктердің шағуы;
? жалпы ыдыс-аяқ және тамақ,
? жалпы заттар: ақша, кітаптар, компьютер пернетақтасы, тұрмыстық заттар;
? су (жалпы бассейнді, ваннаны, душты, дәретхананы пайдалану кезінде).

Қатысушыларға өз денсаулығына және жақын адамдарының денсаулығына жауапкершілікпен қарау тәсілі ретінде, АИТВ-ға тестілеу қажеттілігі туралы айтылды. АИТВ-инфекциясына тексерілуден жасырын және тегін ЖИТС орталығында немесе тұрғылықты жері бойынша емханада өтуге болады.

#ЖОКСПИД2030 #ЦентрСПИДАлматы