Респираторлық медицина конгресіне қатысу

3-5 қараша аралығында Астана қаласында респираторлық медицина бойынша Ұлттық конгресс өтті

Оған Алматы қаласы ЖИТС орталығы бас дәрігерінің орынбасары А. Нұркерімова қатысты. ЖИТС орталығының өкілі: АИТВ-инфекциясы бар пациенттерде пневмококк инфекциясының вакцинопрофилактикасы атты өзекті тақырыпты талқылауға қатысты. А.Нұркерімова АИТВ-мен (АӨА) өмір сүретін адамдарда, респираторлық аурулар көбінесе АИТВ-инфекциясының алғашқы клиникалық көрінісі болып табылатын, төменгі тыныс жолдарының инфекциялары ретінде көрінетінін айтты. Ауруханадан тыс пневмония - бұл АИТВ-мен (АӨА) өмір сүретін адамдардың тыныс алу органдарында жиі кездесетін асқынулар. Презентатор, Қазақстанда респираторлық аурулардан қайтыс болғандардың 23% - ы пневмонияға тиесілі екенін атап өтті. Әлемдегі барлық жұқпалы аурулардың ішінде пневмония, өлімнің негізгі алғашқы төртігіне кіреді, ол жылына 1,6 миллион адамның өліміне әкеледі. АИТВ-мен (АӨА) өмір сүретін адамдарда инвазивті пневмококк инфекциясының жиілігі басқа адамдарға қарағанда 100 есе жоғары. Сондай-ақ, А.Нұркерімова пневмококк инфекциясының вакцинопрофилактикасына егжей-тегжейлі тоқталды. #ЖОКСПИД2030 #ЦентрСПИДАлматы