Полиция қызметкерлеріне арналған дәріс

6 маусымда Алматы қаласы ЖИТС-тің алдын алу және оған қарсы күрес орталығының дәрігерлері Алмалы аудандық ішкі істер бөлімінің қызметкерлеріне дәріс оқыды.

Дәрігер-эпидемиолог А.Әмірова республикадағы және мегаполистегі АИТВ-инфекциясының эпидемиологиялық жағдайы, сондай-ақ АИТВ-инфекциясының таралу ерекшеліктері мен негізгі тенденциялары туралы айтты. Әңгіменің ерекше тақырыбы АИТВ-мен өмір сүретін адамдарға қатысты стигма мен кемсітушілік болды. Қатысушылар бірауыздан стигматизация мен кемсітушілікке жол бермеу керектігін айтты. АИТВ барлық адамға әсер етуі мүмкін, ешкімнің құқығы бұзылмауы керек, сондықтан қоғамда толеранттылыққа, әрбір адамға құрметпен қарауға тәрбиелеу қажет. #ЦентрСПИДАлматы #СтопВИЧkz