Алматы қаласы перзентханаларының қабылдау бөлімшелерінің акушерлері мен балалар бөлімшелерінің аға медбикелері 2 ақпанда АИТВ инфекциясының алдын алу бойынша семинарға қатысты.

Іс-шараны Алматы қ.ЖИТС-тың алдын алу және оған қарсы күрес орталығының медицина қызметкерлері кәсіби білім мен дағдыларды дәріптеу үшін ұйымдастырды. Олар қатысушыларды медициналық ұйымдарда АИТВ-инфекциясының алдын алу жөніндегі жұмысты ұйымдастыру үшін ҚР ДСМ және Алматы қаласы ДСБ негізгі регламенттеуші құжаттарымен таныстырды.

Қатысушылар АИТВ-ның анадан балаға берілуінің алдын алу, АИТВ-инфекциясы кезінде жүктілікті, босануды, босанғаннан кейінгі кезеңді жүргізу ерекшеліктері, сондай-ақ АИТВ-ға тестілеуге дейін және одан кейін психоәлеуметтік кеңес беру туралы толық ақпарат алды. Семинардың маңызды бөлігі экспресс-тестілеуді қоса алғанда, "АИТВ-ның зертханалық диагностикасы" тақырыбы болды: көрсеткіштер, жүргізу техникасы және нәтижені анықтау, сондай-ақ пациенттерді тексеру алдында кодтау. Әрбір медицина қызметкері АИТВ-мен байланысты төтенше жағдайда өзін қалай ұстау керектігін білуі керек. Бұл ережелер семинарда айтылды. Қатысушылар байланыстан кейінгі профилактика туралы білді: егер пациенттің АИТВ мәтебесі – оң немесе белгісіз болса, ал медицина қызметкерінің – теріс болса – ақпараттандырылған келісім негізінде алғашқы 2 сағатта және 72 сағаттан кешіктірмей 4 апталық АРВ профилактикасының курсы өткізіледі.