Азаматтық сектор қоғамның барлық салаларының дамуына, соның ішінде АИТВ-ның алдын алуға зор үлес қосады. Алматыда бүгінде АИТВ - инфекциясының алдын алуға, АИТВ - мен өмір сүретін адамдарға қатысты стигма мен кемсітушілікті еңсеруге, жастар мен халық арасында білімді насихаттауға байланысты түрлі жобаларды іске асыратын 10-нан астам АИТВ-сервистік ҮЕҰ бар. Мемлекеттік ұйымдармен тиімді ынтымақтастықтың арқасында ҮЕҰ өзекті мәселелерді ойдағыдай шешуде. Әріптестерімізді мерекемен құттықтаймыз! Жұмыста табыс, зор денсаулық, жаңа мақсаттарға қол жеткізуді тілейміз. Алдағы уақытта да біздің ынтымақтастығымыз нығая түседі деп үміттенеміз!