Науқан қаламыздың 28 батыр-панфиловшылар мен М.Ганди атындағы екі саябағында өтті. Мұнда әрдайым жастар көп. Сұрақтар осы жастарға қойылған болатын:
- АИТВ-инфекциясының берілу жолдары қандай?
- АИТВ масалардың шағуы арқылы жұғады ма?
- Өзіңді АИТВ-нан қалай қорғауға болады?
- АИТВ-ның ЖИТС-тен айырмашылығы неде?
Дәрігерлер АИТВ-инфекциясының алдын алуға қатысты басқа да сұрақтар қойды. Алматылық жігіттер мен қыздар жұқтыру жолдары мен вирустан қорғану шараларын жақсы білетіні белгілі болды. - Біздің жастар бұл тақырыпқа қызығушылық танытады. Әрине, олар ғаламтордан көп ақпарат алады. Алайда, онда барлық сұрақтарға жауаптар бола бермейді. Сондықтан дәрігерлер мен жастардың тікелей қарым - қатынасы өзара тиімді-дейді ЖИТС орталығының профилактика бөлімінің меңгерушісі Айнур Жандыбаева. Сұрақтарға қатесіз жауап бергендердің барлығына медицина қызметкерлері футболкалар, қаламдар, ноутбуктерге арналған сөмкелер тәрізді сыйлықтарды табыс етті. Сондай-ақ, жігіттер мен бойжеткендерге ЖИТС қайтыс болған адамдарды еске алудың халықаралық күні туралы айтты. Бұл күн жыл сайын мамырдың үшінші жексенбісінде АИТВ-мен ауыратын адамдардың проблемаларына назар аудару, жаңа жағдайлардың алдын алу мақсатында өткізіледі. Биылғы еске алу күнінің ұраны –«Есімізде бірге сақтаймыз, бірге махаббат пен ынтымақтастық арқылы емделеміз». #центрСПИДАлматы #стопВИЧkz