АИТВ туралы білім – жастарға
Бүгінгі жастарға АИТВ-инфекциясы туралы шынайы және ғылыми негізделген ақпарат ауадай қажет. Интернетте көптеген мифтер мен жалған мәліметтер тарап жүр, бұл қорқыныш пен теріс көзқарастардың пайда болуына себеп болады. Сондықтан кәсіби мамандардан алынған білім – ең сенімді әрі құнды ақпарат көзі. Алматы қаласының ЖИТС-тің алдын алу және оған қарсы күрес орталығының мамандары Алматылық теміржол көлігі колледжінде студенттерге арналған оқыту тренингін өткізді. Кездесу барысында вирус жұғу жолдары, сақтану шаралары және дер кезінде тестілеуден өтудің маңыздылығы туралы айтылды. Алдын алу шараларына және салауатты өмір салтының АИТВ жұқтыру қаупін азайтудағы рөліне ерекше көңіл бөлінді.
Тренинг интерактивті форматта өтті: студенттер сұрақ қойып, пікірлерімен бөлісіп, белсенді түрде талқылауға қатысты. Бұл тек ақпарат деңгейін арттырып қана қоймай, АИТВ-ға қатысты стереотиптерді жоюға да көмектесті.
ЖИТС орталығының мамандары АИТВ – үкім емес екенін атап өтті. Заманауи медицина АИТВ-мен өмір сүретін адамдарға толыққанды өмір сүруге, отбасы құрып, еңбек етуге мүмкіндік береді. Ең бастысы – инфекцияны уақытында анықтап, емдеуді бастау.
#ЖИТСорталығыАлматы #АИТВалдыналу
2025 жылдың 7 қазанында ҚР Ұлттық ғылыми фтизиопульмонология орталығында медицина қызметкерлері арасында АИТВ алдын алу өзектілігі туралы айтты. Бұл жерде ЖИТС алдын алу және оған қарсы күрес орталығының қызметкерлері оқыту тренингін өткізді.
Қатысушылар медициналық ұйымдарда АИТВ бойынша жұмысты ұйымдастыруды реттейтін ҚР Денсаулық сақтау министрлігінің және Алматы қаласы Қоғамдық денсаулық сақтау басқармасының негізгі реттеу құжаттарымен танысты. Қауіпсіздік стандарттары мен жұқтыру қауіпімен байланысты авариялық жағдайлардағы іс-әрекеттер алгоритмдеріне ерекше назар бөлінді.
Оқытушылар АИТВ жұқтыру жолдары, жеке қорғаныс шаралары, аурудың кезеңдері, сондай-ақ, АИТВ-мен өмір сүретін адамдардың өмірінде антиретровирустық терапияның рөлі туралы айтты. Медицина қызметкерлері тұрақты түрде тестілеуден өту маңыздылығы, оның мерзімдері мен диагностиканың қолданыстағы әдістері туралы егжей-тегжейлі ақпарат алды.
Жанасуға дейінгі және жанасудан кейінгі профилактика тақырыбы жеке талқыланды. Сарапшылар әрбір медицина қызметкері ықтимал инфекцияланған биоматериалдармен жұмыс жасаған жағдайда ұстанатын іс-әрекеттер алгоритмін біліп қана қоймай, сонымен қатар бұл білімді тәжірибеде тез қолдана білуі керек екенін атап өтті.
#ЖИТСорталығыАлматы #АИТВпрофилактикасы
«Аманат» партиясының тапсырмасы бойынша ЖИТС орталығының қызметкерлері Ел басы Қасым-Жомарт Тоқаевтың Жолдауын талдады.
2025 жылдың 8 қыркүйегінде Президент Қазақстан халқына жолдауын жариялады. Жолдауының тақырыбы «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу».
Президент жаһандық өзгерістер мен тұрақсыздыққа қарамастан Қазақстан алға сеніммен ұмтылу керектігіне ерекше назар аударды. Қасым-Жомарт Кемелұлы мемлекеттік саясаттың басымдықтарын нақты белгіледі: әлеуметтік-экономикалық тұрақтылық, қауіпсіздікті нығайту және еліміздің тұрақты дамуы.
Жолдауда денсаулық сақтау саласындағы тиімділікті арттыруға және халыққа көрсетілетін медициналық көмектің сапасын жақсартуға ерекше назар аударылды. Орталықтың медицина қызметкерлері қойылған мақсаттар аясында жүзеге асыруға жататын нақты тапсырмаларды талқылады. Орталық қызметкерлері 2025 жылғы Жолдау ниеттер декларациясы ғана емес екенін атап өтті. Ол жаңару рухына, практикалық қадамдарға және Қазақстанның заманауи сын-қатерлерге лайықты жауап беруге және өзінің прогрессивті дамуын жалғастыруға қабілетті екеніне сеніммен толы.
Пікірталасқа қатысушылар Мемлекет басшысы алға қойған міндеттерді жүзеге асыруда медицина қауымының белсенді қатысуының маңыздылығын атап өтті. Цифрлық технологиялар тез енгізіліп жатқан жағдайда денсаулық сақтау жүйесі икемді, қолжетімді және азаматтардың қажеттіліктеріне жауап беретіндей болу керек.
#ЖИТСорталығыАлматы #ПрезиденттіңЖолдауы
С гепатитін емдеу: ведомствалар арасындағы өзара әрекеттестік маңызды
2025 жылғы 26 қыркүйекте Алматы қалалық ЖИТС орталығында С гепатиті вирусына шалдыққан науқастарды емдеумен қамтуды арттыруға арналған кеңес өтті.
Іс-шараға гепатологиялық орталықтың мамандары және Қазақ дерматология және инфекциялық аурулар ғылыми орталығының өкілдері қатысты.
Белгілі болғандай, С гепатиті — АИТВ-мен өмір сүретін адамдар арасында жиі кездесетін қатар жүретін инфекциялардың бірі. Мұндай науқастарда дер кезінде анықтап, емдеу жүргізу — өзекті мәселе болып отыр.
Кеңесте АИТВ жұқтырған тұлғаларды емдеуді ұйымдастыруға байланысты бірқатар түйткілді мәселелер талқыланды. Әсіресе, емдеу қолжетімділігін арттыру және мекемелер арасындағы үйлестіруді жақсарту мақсатында ведомствалық ынтымақтастықтың маңыздылығы атап өтілді.
Сондай-ақ, осындай пациенттерді уақтылы анықтап, емдеуге жолдау жұмыстарының тиімділігін арттыру ұсынылды.
Медицина қызметкерлері арасында ақпараттық-ағартушылық жұмысты күшейту туралы да ұсыныстар айтылды.
#АлматыЖИТСорталығы
25 қыркүйекте " New Generation Clinic "ЖШС қызметкерлері үшін, Алматы қ.ЖИТС алдын алу және оған қарсы күрес орталығының дәрігерлері АИТВ-инфекциясын алдын алу бойынша тренингті өткізді.
Бүгінгі таңда әрбір медицина қызметкері үшін АИТВ-инфекциясын алдын алу және оның АИТВ-ға тиімді жауап берудегі рөлі туралы білім маңызды.
Тренингте қатысушылар ҚР Денсаулық сақтау министрлігі мен Алматы қаласы Қоғамдық денсаулық сақтау басқармасының медициналық ұйымдарда профилактикалық жұмысты ұйымдастыруға қатысты негізгі регламенттейтін құжаттары туралы ақпарат алды.
Іс-шараның басым тақырыптарының қатарында: инфекцияның берілу жолдары, жедел тест жүргізуді қоса алғанда, АИТВ-ға тестілеу ережелері, сондай-ақ, АИТВ-мен өмір сүретін адамдарға қатысты стигма мен кемсітушілікке жол бермеу мәселелері болды.
Инфекция қаупімен байланысты ықтимал төтенше жағдайлар кезіндегі іс-қимыл алгоритміне ерекше назар аударылды. Тыңдаушылар шұғыл көмек көрсету тәртібі бойынша нақты нұсқаулар мен түсініктемелер алды.
Тренингке қатысушылар алынған ақпараттың өзектілігі мен практикалық бағыттылығын атап өтті. Мұндай оқыту іс-шаралары кәсіби сауаттылықты арттыруға ықпал етеді және пациенттер мен медицина қызметкерлері арасындағы сенімді нығайтады.
Оқыту интерактивті сессиямен аяқталды, онда қатысушылар өздерін қызықтырған сұрақтарын қойып, тәжірибеден нақты клиникалық жағдайларды талдай алды. Медицина қызметкерлері ұйымдастырушыларға берілген білімдері мен материалдары үшін алғыстарын білдірді.
#орталықЖИТСАлмати #тоқтаАИТВкz #алдыналуАИТВ
Алматы қ.ЖИТС алдын алу және оған қарсы күрес орталығында колледж педагогтарына АИТВ-ны алдын алу тақырыбында семинар өтті.
Қатысушылар негізгі ұғымдармен танысты, вирустың таралу жолдарын талқылады, сондай-ақ АИТВ-ға қатысты оқиғалармен жаттықтырушылармен бөлісті және олардың кеңестері мен ұсыныстарын тыңдады. Негізгі тақырыптардың бірі-АИТВ-мен өмір сүретін адамдарға қатысты стигма мен кемсітушілікке қарсы тұру және студенттердің денсаулығына жауапкершілікпен қарауға тәрбиелеу.
Жаттықтырушылар АИТВ-ға тестілеу, оның түрлері, өту қажеттілігі және бұл процедураның ерікті, құпия және қажет болған жағдайда анонимді екендігі туралы егжей-тегжейлі айтты.
Сонымен қатар, қатысушыларға Қазақстан мен әлемде АИТВ-инфекциясы бойынша заманауи статистикалық деректер ұсынылды. Бұл мұғалімдерге проблеманың ауқымын және білім беру ортасындағы профилактикалық шаралардың өзектілігін жақсы түсінуге мүмкіндік берді.
Семинар аясында тәрбиешілер репродуктивті денсаулық пен қауіпсіз мінез-құлыққа қатысты сезімтал тақырыптар бойынша студенттермен тиімді қарым-қатынас әдістерін талқылады. Оқу орындарында сенімді атмосфераны құрудың маңыздылығына ерекше назар аударылды.
Кездесу қорытындысы бойынша қатысушылар ұйымдастырушыларға алғыстарын білдіріп, алынған ақпараттың практикалық құндылығын атап өтті. Көптеген педагогтар ақпараттық сессиялар өткізуге және АИТВ-ны алдын алу тақырыптарын студенттермен тәрбие жұмысына енгізуге дайын екендіктерін білдірді.
#орталықЖИТСАлмата #алдыналуАИТВ
Медициналық қызметкерлерге арналған бейресми оқыту
Алматы қаласының ЖИТС-тің алдын алу және оған қарсы күрес жөніндегі орталығының мамандары медицина қызметкерлеріне арналған семинарлар мен тренингтерді тұрақты түрде өткізіп отырады. 23 қыркүйекте Орталықта акушер-гинекологтар мен акушерлер жиналып, АИТВ инфекциясының алдын алу мәселелері бойынша білімдерін жалғастырды.
АИТВ мен ЖИТС-тің айырмашылығы неде? Вирустың жұғу жолдары және одан қорғану шаралары қандай? Осы және басқа да негізгі сұрақтарға қатысушылар нақты жауап алды. Талқылау интерактивті тапсырмалармен және тәжірибеден алынған мысалдармен толықтырылып, оқытуды жандандырып, қолжетімді етті.
АИТВ-ның анадан балаға жұғу жолына ерекше назар аударылды. Тренерлер нақты клиникалық жағдайларды ұсынды және қатысушылармен бірге нәрестелердің инфекция жұқтыру қаупін азайтуға көмектесетін практикалық ұсыныстар жасалды. Алматыда оң нәтижелер бар екені атап өтілді: АИТВ жұқтырған әйелдер дені сау балаларды дүниеге әкеліп жатыр — тек тұңғыштарын ғана емес, екінші және үшінші баласын да.
Сонымен қатар, қатысушылар медицина қызметкерлерінің АИТВ-ны ерте анықтаудағы және пациенттермен жұмысты жүргізудегі рөліне тоқталды. Дәрігер мен пациент арасындағы сенім алдын алу мен емдеу тиімділігінде маңызды рөл атқаратыны айтылды.
Тренингте сондай-ақ этика мен құпиялылық мәселелері қозғалды.
Қатысушылар мұндай іс-шаралар тек білім деңгейін арттырып қана қоймай, кәсіби қауымдастықты да нығайтатынын атап өтті. ЖИТС-тің алдын алу және оған қарсы күрес жөніндегі орталық алдағы уақытта да АИТВ-ның алдын алу тақырыбын кеңінен қамти отырып, оқыту сессияларын өткізуді жалғастырады.
#СПИДорталығыАлматы #АИТВалдыналу
Туған қаланың тазалығы үшін!
Елімізде «Таза Қазақстан» республикалық экологиялық акциясы жалғасуда. Оның белсенді қатысушыларының қатарында Алматы қалалық ЖИТС-тің алдын алу және оған қарсы күрес орталығының қызметкерлері де бар.
20 қыркүйек күні медицина қызметкерлері сенбілікке белсене қатысты. Күн жылы әрі шуақты болып, баршаға көтеріңкі көңіл-күй мен сергектік сыйлады.
Сапалы тазалық жұмыстары үшін барлық қажетті құрал-жабдықтар дайындалды: күрек, сыпырғыш, тырма, қолғап және қоқыс салатын қаптар. Орталық қызметкерлері түскен жапырақтарды жинап, арықтарды тазалап, ағаштарды суарып, барлық қоқысты шығарып тастады. Аумақ бірден таза әрі жайлы күйге енді.
Мұндай шараларға қатысу — қаланы таза ұстауға ғана емес, сонымен қатар қоршаған ортаға деген жауапкершілікті қалыптастырады. Сенбілік еңбек мерекесі ғана емес, ұжымдық рухты нығайтатын игі шара болды. Қызметкерлер бір-бірімен еркін сөйлесіп, жақсы көңіл-күймен бөлісіп, қалалық ортаны жақсарту бойынша идеяларымен алмасты. Осындай бастамалар команда ішіндегі ынтымақты арттырып, экологиялық мәдениетті көтереді.
#КНЦДИЗ #ТазаҚазақстан #БізТазаҚалаҮшін #АлматыБіздіңОртақҮйіміз #БіргеТазалайық
АИТВ-ны бірге тоқтатайық: ҚАЖ мекемелерінде оқыту
Алматы қ.ЖИТС алдын алу және оған қарсы күрес орталығының қызметкерлері 18 қыркүйекте №72, №13 және №11 мекемелерде медицина қызметкерлеріне арналған семинарлар, сондай-ақ №11 және №13 мекемелерде арнайы контингентке арналған оқыту кездесулерін өткізді. Іс-шаралардың мақсаты-АИТВ-инфекциясы, оның берілу жолдары және алдын алу әдістері туралы хабардар болу деңгейін арттыру.
Пенитенциарлық мекемелердегі ағартушылық жұмыс АИТВ-ны алдын алудың маңызды бағыты болып табылады. ЖИТС орталығының жаттықтырушылары қатысушыларға вирустың биологиясы, қорғау тәсілдері туралы айтып берді, сондай-ақ, АИТВ-ның таралуына қарсы іс-қимыл саласындағы өзекті заңнамалық базамен таныстырды. Кездесудің басты бағыты аймақтағы эпидемиологиялық жағдай, сондай-ақ, АИТВ-мен өмір сүретін адамдарға және халықтың негізгі осал топтарының өкілдеріне қатысты стигма мен кемсітушіліктің алдын алу мәселелері болды.
АИТВ-ға ерікті тестілеудің маңыздылығына ерекше назар аударылды. Қатысушылар оның қолжетімділігі, анонимділігі және сенімділігі туралы білді. Сарапшылар уақтылы тестілеу тек алдын — алу элементі ғана емес, сонымен қатар жақындарының денсаулығы мен әл-ауқатына қамқорлық көрсететінін атап өтті.
#Орталық ЖИТС Алматы #Алдын алуАИТВ
Қаланың перзентханаларының акушерлері мен медбикелеріне арналған семинар 16-17 қыркүйекте Алматы қаласы ЖИТС алдын алу және оған қарсы күрес орталығында өтті.
Іс-шара АИТВ-ның тік берілуін алдын алу мәселелері бойынша мамандардың білімін арттыруға бағытталған.
Жаттықтырушылар, вирустың берілу механизмдері туралы егжей-тегжейлі айтып, мамандар арасында да, болашақ аналар арасында да, хабардарлықтың маңыздылығын атап өтті. Жүктіліктің барлық кезеңдерінде, АИТВ-мен өмір сүретін әйелдерді ерте диагностикалау, терапия және сүйемелдеу шараларына ерекше назар аударылды.
Талқылау орталығында, жүкті әйелдердің денсаулығын нығайту және осы бағыттағы жұмыстың тиімділігін арттыру тақырыбы да болды. Қатысушыларға әрбір жүкті, әйел жүктілік кезінде АИТВ-ға екі рет тексерілу керектігін еске салды. Бұл оң нәтижемен антиретровирустық терапияны уақтылы бастауға және вирустың балаға берілу қаупін азайтуға мүмкіндік береді.
Семинар әртүрлі перзентханалардың мамандары арасында тәжірибе алмасу алаңына айналды, сондай-ақ, жүкті әйелдермен жұмыс істеуде көпсалалы тәсілдің маңыздылығын атап өтті.
#орталықЖИТСАлматы #алдыналуАИТВ
