5 мамыр – Дүниежүзілік қол гигиенасы күні

Алматы қаласы ЖИТС-тің алдын алу және оған қарсы күрес орталығының медицина қызметкерлері үшін эпидемиолог Б. Табинова қол гигиенасының маңызы туралы семинар өткізді.

Қол гигиенасы – медициналық мекемелерде ғана емес, күнделікті өмірде де микробтардың таралуын болдырмаудың ең тиімді тәсілі. Ол көптеген жұқпалы аурулардың алдын алады және денсаулығымызды қорғайды.

Тренер дәрігерлер мен жалпы халық үшін қол гигиенасының негізгі ережелерін түсіндірді.

Қашан қол жуу қажет:
– Жөтелгеннен, түшкіргеннен және мұрынды тазартқаннан кейін;
– Тағам дайындаудың және ішіп-жеудің алдында және кейін;
– Дәретханадан шыққаннан кейін;
– Ауру адамға күтім жасағанға дейін және кейін, жануарлармен байланыстан кейін;
– Қоғамдық орындарда болғаннан кейін.

Денсаулығыңызды сақтаңыз!

#центрСПИДАлматы #профилактикаВИЧ

НАЗАРДА – АИТВ- МЕН ЕН ӨМІР СҮРЕТІН АДАМДАРДЫҢ ДЕНСАУЛЫҒЫ

Алматы қаласының медициналық қызметкерлері ЖИТС-тың алдын алу және оған қарсы күрес орталығы ұйымдастырған "АИТВ-мен өмір сүретін адамдардағы АИТВ мен қатар жүретін аурулардың клиникасы, диагностикасы және емі" тақырыбындағы семинарға қатысты.

Іс-шара Қазақстан Республикасында 2023–2026 жылдарға арналған ВИЧ-инфекцияның алдын алу жөніндегі Жол картасын іске асыру аясында өткізілді.

Семинар барысында қатысушылар АИТВ-ға байланысты өзекті мәселелердің кең ауқымын қарастырды. Олардың қатарында — эпидемиологиялық жағдай, тестілеу, антиретровирустық терапия, доконтактты және постконтактты профилактика бар. Білімді нығайту мақсатында тренерлер «Тестілеуден кейінгі кеңес беру дағдыларын жетілдіру» тақырыбында рөлдік ойын өткізді. Сонымен қатар, медициналық қызметкерлер экспресс-тестілеу бойынша практикалық жаттығуларға қатысты.

Семинарда АИТВ-мен өмір сүретін адамдарға қатысты стигмалау мәселелеріне ерекше назар аударылды. Спикерлер медицина саласында толерантты көзқарас қалыптастырудың және халықтың ақпараттану деңгейін арттырудың маңыздылығын атап өтті.

Қатысушыларға АИТВЫ анықталған жағдайда қолданылатын клиникалық ұсынымдар мен әрекет алгоритмдері таныстырылды. Семинар соңында қатысушылар мұндай іс-шаралардың тәжірибе алмасу, кәсіби құзыреттілікті арттыру және АИТВ-мен өмір сүретін адамдармен жұмыс істеуде мультидисциплинарлық тәсілді дамыту үшін маңызды екенін атап өтті.

#центрСПИДАлматы #профилактикаВИЧ

Өзекті тақырыптағы әңгіме

Бүгін Алматы қаласының Қоғамдық денсаулық басқармасына қарасты Психикалық денсаулық орталығында маңызды тақырып — АИТВ-инфекциясының алдын алу мәселесі талқыланды.

Алматы қалалық ЖИТС орталығының мамандары бұл кездесуге мазмұнды, әрі қызықты бағдарлама дайындады. Қатысушыларға Қазақстан Республикасы Денсаулық сақтау министрлігі мен Алматы қаласының Қоғамдық денсаулық басқармасының АИТВ-ң профилактикасы бойынша медицина ұйымдарында атқарылатын жұмыстарды реттейтін құжаттары таныстырылды.

Семинардың маңызды бөлігі — инфекцияның жұғу жолдары мен одан қорғану шараларына арналды. Авариялық жағдай орын алса, медицина қызметкері не істеуі керек? Бұл сұраққа ЖИТС орталығының мамандары нақты әрекет алгоритмін ұсыну арқылы жауап берді.

Кездесу барысында инфекциялық бақылау стандарттарын сақтау маңыздылығы, оның ішінде биологиялық материалмен жұмыс істеу ережелері және жеке қорғаныс құралдарын қолдану қажеттілігі туралы еске салынды.

Сондай-ақ АИТВ-мен өмір сүретін адамдарға қатысты стигманы төмендету қажеттілігі де кеңінен талқыланды. Медициналық қызметкерлерге науқастарға төзімді әрі құрметпен қараудың ем нәтижелілігі мен инфекцияның таралуын болдырмаудағы маңызы ерекше екені ескертілді.

Семинар соңында қатысушылар ұйымдастырушыларға пайдалы ақпарат үшін алғыс білдіріп, мұндай оқыту іс-шаралары кәсіби тәуекел жағдайында дұрыс әрекет етуге сенімділік пен білім деңгейін арттыруға көмектесетінін атап өтті.

#ЖИТСорталығыАлматы #АИТВалдыналу

Колледж педагогтары АИТВ-ң алдын алу бойынша білім алуда

Алматы қаласының ЖИТС орталығында 25 сәуір күні колледж педагогтарына арналған семинар-тренинг өтті.

Медик-тренерлер қатысушыларды "АИТВ" және "ЖИТС" ұғымдарымен, жұғу жолдары және инфекциядан қорғану шараларымен таныстырды. Оқыту интерактивті түрде жүргізілді: карточкалар, оқу құралдары және ойын элементтері қолданылды. Педагогтар шағын топтарға бөлініп, мини-презентациялар дайындап, ұсынды.

Семинар тақырыптары аса өзекті болды: АИТВ қалай ЖҰҚПАЙДЫ, АИТВ-мен өмір сүретін адамдарға қатысты стигма мен кемсітудің қауіптілігі, әр адамның өз АИТВ-мәртебесін білуінің маңыздылығы, және антиретровирустық терапияның рөлі.

Педагогтар тренингтің АИТВ мәселесіне жаңа көзқарас қалыптастыруға көмектескенін және студенттерге жеткізуге болатын нақты білім бергенін атап өтті. Қатысушылар жастар арасында ашық диалог пен ағартушылық жұмыстың маңызын ерекше атап өтті.

Іс-шара соңында педагогтар ұйымдастырушыларға алғыс білдіріп, алған білімдерін оқу-тәрбие үдерісінде пайдалануға дайын екендерін жеткізді.

#ЖИТСорталығыАлматы #АИТВалдыналу

АИТВ алдын алу туралы білім қажет

Ағымдағы жылдың 25 сәуір күні ЖИТС алдын алу және оған қарсы күрес орталығының қызметкерлері Республикалық қан орталығында АИТВ-инфекциясының алдын алу мәселелеріне арналған оқыту семинарын өткізді.

Қатысушылардың назары ересектерде АИТВ-инфекциясын диагностикалау және емдеу хаттамаларында, аурудың кезеңдерінде және олардың ерекшеліктерінде болды. Материалды жақсы меңгеру үшін ақпарат слайдттарды қолдану арқылы көрнекіліктер түрінде берілді.

Семинардың үлкен бөлігі емдеу мәселелеріне арналған. Терапияның негізгі мақсаттарын жаттықтырушылар ерекше айтып өтті:

- вирустық жүктемені төмендету;
- пациенттің өмір сүру сапасын және ұзақтығын арттыру;
- өмірге қауіп төндіретін ауыр және қосалқы аурулардың тәуекелін төмендету;
- АИТВ-инфекциясының басқа адамдарға берілуін болдырмау.

Сонымен қатар, қатысушылар пациенттерге мемлекеттік бюджеттен тегін берілетін антиретровирустық препараттар туралы ақпарат алды. Уақытылы және тұрақты ем алу - АИТВ-мен өмір сүретін адамдарға толыққанды және белсенді өмір сүруге мүмкіндік беретіні туралы айтылды.

АИТВ-н ерте анықтау және тестілеуді тұрақты түрде жасау маңыздылығына ерекше назар аударылды. Мамандар АИТВ туралы халықтың хабардар болуы және АИТВ-мен өмір сүретін адамдарға қатысты стигманы төмендету АИТВ-мен күресуде негізгі рөлді атқаратыны туралы айтты.

23 сәуірде, Алматы қаласы ЖИТС алдын алу және оған қарсы күрес орталығының қызметкерлері жеке құрам мен арнайы контингент үшін, №72 мекемеде АИТВ — инфекциясының алдын алу бойынша екі тренинг өткізді.

Іс-шаралар барысында дәрігерлер қатысушыларды Алматыдағы АИТВ бойынша эпидемиологиялық жағдаймен таныстырып, "АИТВ-инфекциясы" ұғымы және осы саладағы қолданыстағы заңнамалық база туралы айтып берді. Тестілеу мәселелеріне ерекше назар аударылды: бүгін Сіз тұрғылықты жеріңіздегі емханаға немесе ЖИТС орталығына хабарласу арқылы АИТВ-ның мәртебесін біле аласыз. Жедел тест те қол жетімді, оның нәтижесі 20 минуттан кейін белгілі болады.

Медицина мамандары АИТВ-ға үнемі тексерілудің және салауатты өмір салтын ұстанудың, соның ішінде қауіпті мінез-құлықтан бас тартудың маңыздылығын еске салды.

Тренингтің жеке сессиясы АИТВ-мен өмір сүретін адамдарға, сондай-ақ халықтың негізгі топтарының өкілдеріне қатысты стигма мен кемсітушілікке жол бермеу мәселелеріне арналды. Қатысушыларды толеранттылық танытуға шақырды.

Тренингтер ашық диалог форматында өтті, онда әркім қызықтырған сұрақтарын қойып, кәсіби жауаптар ала алады. Қатысушылар ұйымдастырушыларға пайдалы және өзекті ақпарат үшін алғыстарын білдірді.

«Қарызсыз қоғам» жобаның қаржылық сарапшысы Сандуғаш Есенова 14 сәуірде Алматы қаласы ЖИТС-тың алдын алу және оған қарсы күрес орталығының қызметкерлері үшін қаржылық сауаттылық бойынша семинар өткізді.

Сарапшы әртүрлі инстанцияларға арыздар мен шағымдардың қалай әзірленетіні, олардың қалай дұрыс рәсімделетіні туралы айтты.

Банкпен және коллекторлармен дауларды шешу әрқашан оңай үрдіс емес. Қалай әрекет ету қажет, құжаттарды қалай рәсімдеу және қай жерде кеңес алу керек? Бұл сұрақтарға қатысушылар толық жауап алды.

Қарызды қайта құрылымдау- ол мерзімін ұзартуды, төлемдердің жаңа кестесін жасауды білдіреді. Бұл мәселеде әрдайым тәжірибелі заңгердің көмегі қажет. Семинар кеңестерінің басқа тақырыптары - соттан тыс банкроттық және жеке қаржыға қол жетімділікті қалпына келтіру аудиторияда көптеген сұрақтарды туғызды. Барлығына жауаптар берілді.