Халықтың негізгі топтары арасында профилактикалық жұмыстарды жүргізу мәселелері, сондай-ақ , ҮЕҰ-ның туберкулезге қарсы іс-шараларды іске асырудағы рөлі 5 қарашада, Алматы қаласы ЖИТС алдын алу және оған қарсы күрес орталығы қызметкерлерінің қатысуымен өткен дөңгелек үстелде талқыланды.
Сарапшылардың назарында халықтың негізгі топтары арасында профилактикалық флюорографиялық тексеру жоспарын орындаудың, проблемалық мәселелері және туберкулезге қарсы іс-шараларды ұйымдастыруға үкіметтік емес ұйымдардың қатысуы болды.
Тұсаукесермен ЖИТС орталығы директорының орынбасары А. Нұркерімова сөз сөйледі. Ол біріктірілген инфекцияның - АИТВ мен туберкулездің алдын алу мен емдеудің заманауи тәсілдері туралы айтты. Қатысушылар өзекті мәселелерді шешудің жолдары және инновациялық әдістерімен танысты.
Дөңгелек үстелге қатысушылар арасында медицина қызметкерлері, полиция және қоғамдық ұйымдар өкілдері бар. Әңгіме сенімді, ашық және сындарлы болды.
Кездесу қорытындысы бойынша қатысушылар халықтың негізгі топтары арасында профилактикалық жұмыстың тиімділігін арттыру үшін мемлекеттік құрылымдар мен ҮЕҰ арасындағы өзара іс-қимылды одан әрі нығайту және әріптестікті нығайту туралы келісті.
#орталықЖИТСАлматы #АИТВ_ТБ
Мемлекеттік политехникалық колледжінің оқушылары үшін 3 қарашада Алматы қ.ЖИТС алдын алу және оған қарсы күрес орталығының қызметкерлері АИТВ-инфекциясының алдын алу бойынша интерактивті дәріс өткізді.
Студенттер вирустың таралу жолдары мен қорғау шараларымен таныстырылды. Өз денсаулығына жауапкершілікпен қарау және салауатты өмір салтын ұстануға ынталандыру басты назарда болды.
Жастарға АИТВ — ға тестілеу туралы айтылды, оны ЖИТС орталығында немесе тіркелген жері бойынша емханада-тегін, құпия және қалауы бойынша жасырын түрде өтуге болады.
Дәріс ашық диалог форматында өтті: Студенттер талқылауға белсенді қатысып, сұрақтар қойып, өз ойларымен бөлісті. Бұл формат қатысушыларға жаңа білім алуға ғана емес, сонымен қатар денсаулық мәселелерінде ақпараттандырудың маңыздылығын түсінуге көмектесті.
#орталықжитсалматы #алдыналуАИТВ
Республика күні қарсаңында Алматы қаласы ЖИТС алдын алу және оған қарсы күрес орталығында ұжымның салтанатты жиналысы өтті.
25 қазан - Қазақстан тарихындағы маңызды күндердің бірі. Дәл осы күні 1990 жылы Қазақ КСР Мемлекеттік Егемендігі туралы Декларация қабылданды. Бұл негізінен елдің тәуелсіздік жолындағы алғашқы қадамы болды.
Осы айтулы күні ЖИТС орталығының медицина қызметкерлері - Г. Богданова, В. Куприна, Н. Малюгина, А.Бортебаева, Ф.Айтбаева, Л.Нуридинова "Аманат" партиясының Құрмет грамотасымен және Бостандық әкімінің алғыс хатымен А. Перваева марапатталды. Әріптестерімізді құттықтаймыз!
#орталықЖИТСАлматы #Республикакүні
23 қазан күні Еуразиялық агро-техникалық колледжінің білімгерлері АИТВ-инфекциясының профилактикасы бойынша тренингке қатысты. Оны Алматы қаласы ЖИТС алдын алу және оған қарсы күрес орталығының қызметкерлері өткізді.
Іс-шара интерактивті форматта өтті. Білімгерлер көптеген сұрақтар қойды, өздерінің пікірлерін білдірді, дауласты. Бұл өте өзекті тақырып.
Вирустың берілу жолдары қандай және одан қалай қорғануға болады? Неге тестілеуден тұрақты түрде өтіп тұру қажет? Өз денсаулығыңды және жақындарыңның денсаулығын күту неде?
Тренинг барысында Орталық қызметкерлері қатысушыларға АИТВ диагностикасының заманауи әдістері туралы айтты, инфекцияны ерте анықтау қажеттілігі туралы ескертті және ол туралы кеңінен тараған аңыздарды жоққа шығарды.
Білімгерлерді экспресс-тесттерді көрсету және қауіп төнетін жағдайларды талқылау ерекше қызықтырды. Қатысушылардың көбісі жаңа білім алғандары және енді достарымен шынайы ақпаратпен бөлісе алатындары туралы айтты.
Кездесуді қорытындай келе білімгерлер ашық түрде берілген пайдалы ақпарат үшін ұйымдастырушыларға алғыстарын білдірді.
#АлматыЖИТСорталығы #АИТВпрофилактикасы
21 қазанда көз аурулары ҚазҒЗИ қызметкерлері Алматы қ.ЖИТС алдын алу және оған қарсы күрес орталығының медицина қызметкерлері өткізген тренингке қатысты.
АИТВ алдын алудың өзекті тақырыбы талқыланды. Қатысушылар ҚР Денсаулық сақтау министрлігі мен Алматы қаласы Қоғамдық денсаулық сақтау басқармасының медициналық ұйымдарда, АИТВ-ның алдын алу жөніндегі жұмысты ұйымдастыруды реттейтін негізгі құжаттарымен танысты.
Жаттықтырушылар вирустың таралу жолдары мен қорғаныс шаралары, аурудың кезеңдері және антиретровирустық терапия (АРТ) принциптері туралы егжей-тегжейлі айтып берді. Инфекцияның ықтимал қаупімен байланысты төтенше жағдайлар кезіндегі іс-қимыл алгоритміне ерекше назар аударылды.
Белсенді пікірталас тудырған тақырыптардың қатарында , АИТВ-мен өмір сүретін адамдарға қатысты стигма мен кемсітушілікті азайту қажеттілігі, тестілеудің жүйелілігі, оның әдістері, сондай-ақ, құпиялылық пен пациенттерді құрметтеу принциптерін сақтаудың маңыздылығы бар.
Мұндай оқыту іс-шаралары медицина қызметкерлерінің кәсіби хабардарлығын арттыруға ғана емес, сонымен қатар қоғамдық денсаулық мәселелеріне неғұрлым толерантты және жауапты көзқарасты қалыптастыруға ықпал етеді. Қатысушылар ұйымдастырушыларға өзекті ақпарат пен тәжірибеден нақты жағдайларды талқылау мүмкіндігі үшін алғыстарын білдірді.
#орталықЖИТСАлматы #тоқтаАИТВкz #алдыналуАИТВ
Алматылық онкологтар үшін АИТВ-ның алдын алу бойынша семинар
17 қазан күні Алматы қалалық онкология орталығының қызметкерлері АИТВ-инфекциясының алдын алу бойынша семинарға қатысты.
Семинарды Алматы қаласы ЖИТС-тың алдын алу және оған қарсы күрес орталығының медицина мамандары өткізді. Олар қатысушыларға АИТВ-инфекциясының алдын алу, диагностикалау және емдеу жолдары туралы жан-жақты ақпарат берді.
Семинар барысында еліміз бен қаладағы эпидемиологиялық жағдайға ерекше назар аударылды. Қатысушыларға АИТВ-мен сырқаттанушылық бойынша өзекті деректер мен инфекцияның әртүрлі топтар арасында таралу үрдістері ұсынылды.
Мамандар АИТВ-ны ерте анықтаудың маңыздылығын, медициналық тәжірибеде сақтық шараларын сақтау қажеттігін және жұқтыру қаупін төмендетудің тиімді әдістерін талқылады. Сонымен қатар, АИТВ-мен өмір сүретін адамдарға қатысты стигма мәселесі және оны медицина саласында жою жолдары қарастырылды.
Мұндай оқыту іс-шаралары медицина қызметкерлерінің кәсіби білімін арттырып, АИТВ-ға қарсы күресте мекемелер арасындағы өзара әрекеттестікті нығайтуға ықпал етеді.
Қатысушылар ұйымдастырушыларға пайдалы ақпарат пен тәжірибе алмасуға мүмкіндік бергені үшін алғыс білдірді.
#ЖИТСорталығыАлматы #АИТВалдыналу
Оқу мен алдын алу: Алматыда медицина мейірбикелеріне арналған АИТВ бойынша семинар өтті
АИТВ-ның, С гепатитінің және сифилістің тік жолмен берілуін алдын-алу, сондай-ақ АИТВ-инфекциясы мен қосалқы аурулардың клиникалық ерекшеліктері, диагностикасы және емдеу — медицина мейірбикелеріне арналған семинардың негізгі тақырыптары болды. Шара 15 қазан күні Алматы қалалық ЖИТС орталығында өтті.
Медицина қызметкерлері Қазақстан Республикасының Денсаулық сақтау министрлігі мен Қоғамдық денсаулық сақтау басқармасы бекіткен нормативтік құжаттармен танысты, олар медициналық ұйымдардағы АИТВ мәселелерін реттейді.
Қатысушылар тік жолмен берілу профилактикасының өзекті мәселелерін, жаңа туған нәрестелерге жұқтыру тәуекелдерін азайту жолдарын және ауруларды ерте анықтаудың маңыздылығын талқылады. Арнайы назар көрсетілген — көмек көрсету жалғастылығы, орта медициналық персоналдың пациенттерді тиімді бақылаудағы рөлі.
Семинар барысында АИТВ жұқтырған жүкті әйелдерді жүргізу бойынша клиникалық ұсынымдар, әр түрлі деңгейдегі медициналық ұйымдар арасындағы өзара іс‑әрекет алгоритмдері, сондай‑ақ нақты медициналық тәжірибеден алынған практикалық жағдайлар қарастырылды. Қатысушылар өздерін мазалаған сұрақтарға жауап алды және күнделікті жұмыста кездесетін қиындықтарды талқылады.
#ЖИТСорталығыАлматы #АИТВалдыналу
Алматы колледждерінің педагогтары бір күнге оқушыға айналды
Алматы қаласындағы колледждердің педагогтері 15 қазанда АИТВ-ды алдын алу мәселелері бойынша ЖИТС-тің алдын алу және күрес орталығында оқыту семинарына қатысты.
Бұл білім беру шарасының мақсаты — жастар арасында вирус таралуының алдын алу жолдары туралы мұғалімдердің ақпарат деңгейін күшейту.
Семинардың негізгі тақырыптары:
- АИТВ жұғу жолдары
- Қорғау шаралары
- АИТВ-пен өмір сүретін адамдарға деген төзімділік қалыптастыру принциптері
ЖИТС орталығының мамандары еліміздегі және қаладағы эпидемиологиялық ахуал туралы айтып беріп, әсіресе жасөспірімдер мен жастар тобына назар аударды. Қатысушыларға оқу үрдісінде қолдануға болатын әдістемелік материалдар мен интерактивті құралдар ұсынылды. Сондай‑ақ, студенттермен репродуктивті денсаулық және жыныстық жолмен берілетін инфекциялар алдын алу мәселелері туралы ашық диалог жүргізудің маңыздылығы талқыланды.
Педагогтар мұндай іс-шаралардың білімде олқылықтарды толтырып қана қоймай, оқушылармен профилактикалық әңгімелерді сенімді түрде жүргізуге көмектеседі деп атап өтті. ЖИТС орталығы болса, білім беру мекемелеріне әдістемелік қолдау көрсетуге және мұғалімдер үшін келешекте де тренингтер ұйымдастыруға дайын екенін білдірді.
Уақытылы оқыту — АИТВ-ға қарсы кешенді стратегияның маңызды кезеңі: жастарға денсаулық пен өмірді сақтайтын білімді жеткізу білім беру жүйесі арқылы тиімді жүзеге асады.
#ЖИТСорталығыАлматы #АИТВалдыналу
14 қазанда "Туран" колледжінің 130 студенты АИТВ туралы білімдерін толықтырды.
Тренинг Алматы қаласы ЖИТС-пен күрес және алдын алу орталығының қызметкерлерімен интерактивті түрде өткізілді.
Студенттер вирустың таралу жолдары және жеке қорғану шаралары туралы ақпарат алды.
Тренинг барысында қатысушыларға АИТВ-ға қатысты кең таралған мифтер туралы айтылып, осы диагнозбен өмір сүретін адамдарға стигматизация жасауға болмайтыны түсіндірілді. Ерекше назар тұрақты түрде тестіленудің маңыздылығына аударылды.
Интерактивті формат викториналар, топтық тапсырмалар және нақты оқиғаларды талқылауды қамтыды. Бұл тәсіл студенттерге тек теориялық ақпаратты меңгеруге ғана емес, сонымен қатар оны практикада қолдануға мүмкіндік берді.
#СПИДОрталығыАлматы #ВИЧалдыналу
Денсаулықты қорғау үшін білім
Алматы қаласындағы Заң колледжінде 8 қазан күні АИТВ-ның алдын алу тақырыбында дәріс өтті. Іс-шара интерактивті форматта ұйымдастырылып, студенттер белсенді түрде сұрақ қойып, пікір алмасты.
Дәрісті Алматы қаласының ЖИТС-тің алдын алу және оған қарсы күрес орталығының мамандары өткізді. Олар 95 студентке АИТВ вирусы туралы маңызды ақпаратты қарапайым әрі түсінікті тілмен жеткізді. Мамандыр АИТВ-ның жұғу жолдары, алдын алу шаралары жайлы айтып, ауруға қатысты кең тараған мифтерді жоққа шығарды.
Әсіресе, АИТВ-мен өмір сүретін адамдарға қатысты стигматизация мәселесіне ерекше назар аударылды. Лекторлар бұл тақырыпта төзімділік танытып, ақпаратты тек сенімді дереккөздерден алу қажеттігін атап өтті.
АИТВ-ның алдын алу — әр адамның жауапкершілігі. Қауіпсіздік ережелерін білу — өз денсаулығыңызды және жақындарыңызды қорғаудың негізі.
#ЖИТСорталығыАлматы #АИТВалдыналу
